Астана қаласы әкімдігінің №33 орта мектебінде "Ана мектебі" қоғамдық қорының ұйымдастыруымен дене белсенділігін насихаттауға арналған семинар-тренинг өткізілді.

Тренинг барысында оқушыларға дене белсенділігінің адам денсаулығы мен жалпы әл-ауқаты үшін маңызы түсіндірілді. Күнделікті қозғалыс белсенділігін арттыру, спортпен шұғылдану және бос уақытты тиімді ұйымдастырудың пайдасы туралы ақпарат берілді.

Сонымен қатар қимыл-қозғалыстың жеткіліксіздігінің денсаулыққа кері әсері және салауатты өмір салтын қалыптастырудағы дене белсенділігінің рөлі талқыланды.

Оқушылар семинарға белсенді қатысып, өз ойларымен бөлісті және пайдалы ақпарат алды.